ພະແນກ ກວດກາ ແລະ ນິຕິກໍາ

ໜ້າທີ່ ພະແນກ ກວດກາ ແລະ ນິຕິກໍາ

ຄົ້ນຄວ້າ ແລະ ສະເໜີປັບປຸງບັນດານິຕິກຳ ໃຫ້ສອດຄ່ອງກັບການຈັດຕັ້ງປະຕິບັດວຽກງານວິຊາສະເພາະຄັງເງິນແຫ່ງຊາດບົນພື້ນຖານການປະສານສົມທົບກັບຂະແໜງ ການທີ່ກ່ຽວຂ້ອງ.
ຄົ້ນຄວ້າ, ປະກອບຄຳເຫັນ ຕໍ່ໂຄງຮ່າງ ແລະ ເນື້ອໃນ ບັນດາເອກະສານ ນຳສະເໜີຂັ້ນເທິງ ທີ່ພະແນກ ການອ້ອມຂ້າງຄັງເງິນແຫ່ງຊາດຮ່າງຂຶ້ນ ກ່ອນນຳສະເໜີ ຫົວໜ້າ ຫຼື ຄະນະຄັງເງິນແຫ່ງຊາດ ພິຈາລະນາ ແລະ ຮ່າງນິຕິກຳ ທີ່ບັນດາກົມ, ຫ້ອງການກະຊວງການເງິນ ສົ່ງໃຫ້ເພື່ອປະກອບຄຳເຫັນ.
ເຂົ້າຮ່ວມການຄົ້ນຄວ້າ ກ່ຽວກັບວຽກງານນິຕິກຳ ທີ່ກ່ຽວຂ້ອງກັບວຽກງານຄັງເງິນ ກັບພາກສ່ວນທີ່ກ່ຽວຂ້ອງ.
ເຜີຍແຜ່, ແນະນຳ, ຕິດຕາມ ແລະ ຊຸກຍູ້ ການຈັດຕັ້ງປະຕິບັດນິຕິກຳຕ່າງໆ ທີ່ພົວພັນເຖິງວຽກງານວິຊາສະເພາະ ຂອງຄັງເງິນແຫ່ງຊາດໃນແຕ່ລະໄລຍະ.
ຮ່າງ ແລະ ປັບປຸງປຶ້ມຄູ່ມື, ຕຳລາ ການຮຽນ-ການສອນວຽກງານຄັງເງິນ ທົ່ວລະບົບຄັງເງິນແຫ່ງຊາດ.
ເປັນເຈົ້າການ ໃນການກະກຽມແຜນງານ, ແຜນວຽກ, ແຜນບຸກຄະລາກອນ ເພື່ອຈັດຝຶກອົບຮົມວຽກງານວິຊາສະເພາະຄັງເງິນ ພ້ອມທັງສະຫຼຸບສັງລວມ ແລະ ຕີລາຄາປະ ເມີນຜົນ ໃນການຝຶກອົບຮົມ.
ສ້າງແຜນ ແລະ ດໍາເນີນການກວດກາວຽກງານຄັງເງິນ ເປັນແຕ່ລະໄລຍະ ຕາມການຕົກລົງ ຂອງຄະນະຄັງເງິນແຫ່ງຊາດ.
ກວດກາ ບັນດາພະແນກການອ້ອມຂ້າງ ຄັງເງິນແຫ່ງຊາດ, ຄັງເງິນແຫ່ງຊາດປະຈຳທ້ອງຖິ່ນ, ລັດຖະ ກອນ ຄັງເງິນແຫ່ງຊາດ ກ່ຽວກັບ ການປະຕິບັດວຽກງານວິຊາສະເພາະ ຕາມພາລະບົດບາດ, ຂອບເຂດສິດ, ໜ້າທີ່ ແລະ ຄວາມຮັບຜິດຊອບໃນການຈັດຕັ້ງປະຕິບັດລະບຽບກົດໝາຍ ກ່ຽວກັບການເງິນ ທີ່ລັດຖະບານ ໄດ້ປະກາດໃຊ້ ໃຫ້ໄດ້ຮັບການ ຈັດຕັ້ງປະຕິບັດ ຢ່າງຖືກຕ້ອງ ແລະ ເຂັ້ມງວດ.
ລົງກວດກາ-ກວດການ ການເຄື່ອນໄຫວ ຂອງຄັງເງິນແຫ່ງຊາດ ສູນກາງ ແລະ ທ້ອງຖິ່ນ ເປັນປົກກະຕິ.
ຄົ້ນຄວ້າ, ສະເໜີວິທີການແກ້ໄຂ ຄຳຮ້ອງຟ້ອງ-ຮ້ອງທຸກ, ຄຳສະເໜີ ຂອງພະນັກງານ-ລັດຖະກອນ ແລະ ພົນລະເມືອງ ທີ່ພົວພັນເຖິງຄວາມຮັບຜິດຊອບ ຂອງຄັງເງິນແຫ່ງ ຊາດ.
ປະເມີນຕີລາຄາພະນັກງານ ບົນພື້ນຖານຂໍ້ມູນ ຂອງການກວດກາ ແລະ ສະເໜີໂຈະການເຄື່ອນໄຫວ ວຽກງານວິຊາສະເພາະ, ການບັນຈຸ, ຊັບຊ້ອນ, ແຕ່ງຕັ້ງ ແລະ ຍົກຍ້າຍ ໄປຮັບຜິດຊອບວຽກງານອື່ນໆຊົ່ວຄາວ ຕໍ່ພະນັກງານ-ລັດຖະກອນຄັງເງິນແຫ່ງຊາດ ໃນໄລຍະການກວດກາ ບໍ່ທັນສຳເລັດ ຫຼື ຢູ່ໃນເປົ້າໝາຍຂອງການກວດກາ ຖ້າເຫັນວ່າ ຈະສ້າງຄວາມຫຍຸ້ງຍາກໃນການກວດກາ.
ສະຫຼຸບ-ສັງລວມການປະຕິບັດວຽກງານ ແລະ ຜົນຂອງການກວດກາ ເພື່ອລາຍງານຫົວໜ້າຄັງເງິນແຫ່ງຊາດ ພ້ອມທັງສະເໜີມາດຕະການ ແລະ ວິທີການແກ້ໄຂ ຕາມລະ ບຽບ ກົດໝາຍ.
ເກັບມ້ຽນເອກະສານສຳຄັນ ໃນການກວດກາ-ກວດການ ໃຫ້ເປັນລະບົບ ແລະ ຮັກສາເປັນຄວາມລັບ.
ເຂົ້າຮ່ວມການກວດກາສະເພາະກິດໃດໜຶ່ງ ຕາມການມອບໝາຍ ຂອງຫົວໜ້າຄັງເງິນແຫ່ງຊາດ.
ປະສານສົມທົບ ກັບພາກສ່ວນກ່ຽວຂ້ອງ ທີ່ພົວພັນກັບບັນດາເປົ້າໝາຍທີ່ຖືກກວດກາ ເພື່ອຢັ້ງຢືນ ແລະສະໜອງຂໍ້ມູນ ທີ່ຈຳເປັນ ສໍາລັບການກວດກາ.
ປະສານສົມທົບ ກັບກົມກວດກາການເງິນກະຊວງ ເພື່ອແລກປ່ຽນຂໍ້ມູນຂ່າວສານ ກ່ຽວກັບວຽກງານກວດກາ.
ປະຕິບັດໜ້າທີ່ອື່ນໆ ຕາມການມອບໝາຍ.

ໜ່ວຍງານ ແລະ ຕຳແໜ່ງ ຂອງພະແນກກວດກາ ແລະ ນິຕິກຳ

ພະນັກງານທັງໝົດ 06 ສະຫາຍ ຍິງ 02 ສະຫາຍ

ປະກອບມີ ຫົວໜ້າພະແນກ, ຮອງຫົວໜ້າພະແນກ 02 ສະຫາຍ

ແບ່ງອອກເປັນ 02 ໜ່ວຍງານຄື:

ໜ່ວຍງານ ນິຕິກຳ
ໜ່ວຍງານ ກວດກາ

ຂັ້ນພະແນກ ປະກອບມີ 03 ສະຫາຍ:

ສະຫາຍ ສຸກສະເຫຼີມ ເຮືອງຄຳໄຊ ຫົວໜ້າພະແນກ
ສະຫາຍ ນາງ ແສງເພັດ ອິນຄຳຟອງ ຮອງຫົວໜ້າພະແນກ
ສະຫາຍ ພອນສຸກ ສິດທິລາດວົງສາ ຮອງຫົວໜ້າພະແນກ

ຂັ້ນວິຊາການ ປະກອບ ມີ 04 ສະຫາຍ:

ທ່ານ ອິດສະຫຼະພອນ ສີຊົມພູ
ທ່ານ ນາງ ວຽງສະຫວັນ ພູມສະຫວັນ
ທ່ານ ຫົງທອງ ນໍລະເດດ

ການແບ່ງຄວາມຮັບຜິດຊອບພາຍໃນພະແນກ:

ຂັ້ນພະແນກ:

ທ່ານ ສຸກສະເຫຼີມ ເຮືອງຄຳໄຊ ຫົວໜ້າພະແນກ

ຮັບຜິດຊອບ ຊີ້ນຳລວມ ວຽກງານການເມືອງແນວຄິດຂອງ ພະນັກງານພາຍໃນພະແນກ ລົງເລິກ ທັງສອງໜ່ວຍງານ ຮັບຜິດຊອບ ວຽການຄົ້ນຄ້ວາ ແລະ ສະເໜີປັບປຸງບັນດາ
ນິຕິກຳຕ່າງໆ ໃຫ້ສອດຄ່ອງກັບການຈັດຕັ້ງປະຕິບັດວຽກງານວິຊາສະເພາະ ຄັງເງິນແຫ່ງຊາດ.
ຄົ້ນຄ້ວາ ປະກອບຄຳເຫັນຕໍ່ໂຄງຮ່າງ ແລະ ເນື້ອໃນບັນດາເອກະສານ ທີ່ພະແນກການ ອ້ອມຂ້າງ ຄັງເງິນແຫ່ງຊາດຮ່າງຂື້ນ ກ່ອນນຳສະເໜີ ຫົວໜ້າຄັງເງິນແຫ່ງຊາດ ພິຈາລະນາ.
ປະເມີນຕີລາຄາພະນັກງານ ລັດຖະກອນ ຄັງເງິນແຫ່ງຊາດ ບົນພື້ນຖານຂໍ້ມູນຂອງການກວດກາ ແລະ ສະເໜີໂຈະການເຄື່ອນໃຫວວຽກງານວິຊາສະເພາະ ໃນໄລຍະກວດກາບໍ່ທັນ ສຳເລັດ ຫຼື ຢູ່ໃນເປົ້າໝາຍຂອງການກວດກາ.
ສະຫຼຸບ,ສັງລວມການປະຕິບັດວຽກງານແລະ ສະພາບການເຄື່ອນໄຫວວຽກງານ ,ກະກຽມແຜນການເຄື່ອນໄຫວວຽກງານ ຂອງພະແນກກວດກາແລະນິຕິກຳ ຄັງເງິນແຫ່ງຊາດ.
ເຂົ້າຮ່ວມການກວດກາສະເພາະກິດໃດໜຶ່ງ ປະສານສົມທົບ, ກັບພາກສ່ວນທີ່ກ່ຽວຂ້ອງຕາມການມອບໝາຍ ຂອງຫົວໜ້າຄັງເງິນແຫ່ງຊາດ.
ປະຕິບັດໜ້າທີອື່ນໆຕາມການມອບໝາຍ ຈາກຫົວໜ້າຄັງເງິນແຫ່ງຊາດ.

ທ່ານ ນາງ ແສງເພັດ ອິນຄຳຟອງ ຮອງຫົວໜ້າພະແນກ ລົງເລິກຊີ້ນຳ ໜ່ວຍງານນິຕິກຳ

ຊ່ວຍເປັນເສນາທິການ ໃຫ້ຫົວໜ້າພະແນກໃນການຈັດຕັ້ງປະຕິບັດວຽກງານວິຊາສະເພາະຂອງພະແນກ.
ເຜີຍແຜ່, ແນະນຳ, ຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດ ນິຕິກຳຕ່າງໆ ທີ່ພົວພັນເຖິງວຽກງານວິຊາສະເພາະ ທີ່ໄດ້ປະກາດນຳໄຊ້ແລ້ວ ຂອງຄັງເງິນແຫ່ງຊາດ ໃນຂອບເຂດທົ່ວປະເທດ.
ເປັນເຈົ້າການ ໃນການກະກຽມແຜນງານ, ແຜນວຽກ, ແຜນບຸກຄະລາກອນ ເພື່ອຈັດຝຶກອົບຮົມ ວຽກງານວິຊາສະເພາະຄັງເງິນ ໃນແຕ່ລະໄລຍະ ພ້ອມທັງສະຫຼູບສັງລວມ ແລະ ຕີລາຄາປະເມີນຜົນ ໃນການຝຶກອົບຮົມ.
ຮ່າງ ແລະ ປັບປຸງປື້ມຄູ່ມື ການປະຕິບັດວຽກງານວິຊາສະເພາະ ຕຳລາການຮຽນ-ການສອນວຽກງານຄັງເງິນ ໃນທົ່ວລະບົບ ຄັງເງິນແຫ່ງຊາດ.
ຕິດຕາມ ແລະ ປະເມີນຜົນໃຫ້ນັກຮຽນ ທີ່ລົງມາຝຶກງານ ຢູ່ພະແນກ ກວດກາ ແລະ ນິຕິກຳ.
ຮັບຜິດຊອບວຽກງານຂອງພະແນກແທນ ໃນເວລາທີ່ ຫົວໜ້າພະແນກບໍ່ຢູ່ ແລະ ປະຕິບັດໜ້າທີອື່ນໆຕາມການມອບໝາຍ ຈາກຫົວໜ້າພະແນກ.

ທ່ານ ພອນສຸກ ສິດທິລາດວົງສາ ຮອງຫົວໜ້າພະແນກ ລົງເລິກຊີ້ນຳ ໜ່ວຍງານ ກວດກາ

ຊ່ວຍເປັນເສນາທິການ ໃຫ້ຫົວໜ້າພະແນກ ໃນການຈັດຕັ້ງປະຕິບັດວຽກງານວິຊາສະເພາະ ຂອງພະແນກ.
ເປັນເຈົ້າການ ໃນການກະກຽມ ຕາມແຜນດຳເນີນງານ ກວດກາວຽກງານ ວິຊາສະເພາະຂອງຄັງເງິນແຫ່ງຊາດແຕ່ສູນກາງ ລົງຮອດທ້ອງຖິ່ນ ໃນຂອບເຂດທົ່ວປະເທດ.
ກວດກາ ບັນດາພະແນກການອ້ອມຂ້າງ ຄັງເງິນແຫ່ງຊາດ, ຄັງເງິນແຫ່ງຊາດປະຈຳທ້ອງຖິ່ນ, ລັດຖະກອນຄັງເງິນແຫ່ງຊາດ ກ່ຽວກັບ ການປະຕິບັດວຽກງານວິຊາສະເພາະ ຕາມ ພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບ ບັນດານິຕິກຳ ທີ່ໄດ້ປະກາດໄຊ້ ໃຫ້ໄດ້ຮັບການຈັດຕັ້ງປະຕິບັດ ຢ່າງຖືກຕ້ອງແລະເຂັ້ມງວດ.
ສະຫຼູບ,ສັງລວມ ແລະ ລາຍງານຜົນການກວດກາແຕ່ລະຄັ້ງໃຫ້ຫົວໜ້າຄັງເງິນແຫ່ງຊາດ, ເກັບມ້ຽນເອກະສານສຳຄັນໃຫ້ເປັນລະບົບ ແລະ ຮັກສາຄວາມລັບຂອງການກວດກາ.
ຮັບຜິດຊອບວຽກງານຂອງພະແນກແທນ ໃນເວລາທີ່ ຫົວໜ້າພະແນກບໍ່ຢູ່ ແລະ ປະຕິບັດໜ້າທີອື່ນໆຕາມການມອບໝາຍ ຈາກຫົວໜ້າພະແນກ.

ຂັ້ນວິຊາການ
ກ. ໜ່ວຍງານກວດກາ:

ທ່ານ ຫົງທອງ ນໍລະເດດ ຫົວໜ້າໜ່ວຍງານ ກວດກາ ຮັບຜິດຊອບ:

ສ້າງແຜນ ແລະ ດຳເນີນການກວດກາວຽກງານ ຄັງເງິນ ເປັນແຕ່ລະໄລຍະ ຕາມການຕົກລົງຂອງຫົວໜ້າຄັງເງິນແຫ່ງຊາດ.
ຮັບຜິດຊອບວຽກງານກວດກາໃນການຈັດຕັ້ງວຽກງານວິຊາສະເພາະຂອງຄັງເງິນແຫ່ງຊາດ, ປະສານກັບບັນດາພະແນກອ້ອມຂ້າງຄັງເງິນແຫ່ງຊາດທີ່ກ່ຽວຂ້ອງໃນການກວດກາ.
ສະຫຼູບ-ສັງລວມ ການປະຕິບັດວຽກງານ ແລະ ຜົນຂອງການກວດກາເພື່ອລາຍງານໃຫ້ຫົວໜ້າຄັງເງິນແຫ່ງຊາດພ້ອມທັງສະເໜີມາດຕະການ ແລະ ວິທີການແກ້ໄຂຕາມລະບຽບ ກົດໝາຍ.
ຮັບຜິດຊອບວຽກບໍລິຫານຂອງພະແນກ ເກັບມ້ຽນເອກະສານສຳຄັນ ໃນການກວດກາໃຫ້ເປັນລະບົບ ແລະ ຮັກສາຄວາມລັບ.
ປະຕິບັດໜ້າທີ່ ອື່ນໆຕາມການມອບໝາຍຂອງຫົວໜ້າພະແນກ ແລະ ຄັງເງິນແຫ່ງຊາດ.

ທ່ານ ນາງ ວຽງສະຫວັນ ພູມສະຫວັນ ວິຊາການ ຮັບຜິດຊອບ:

ສ້າງແຜນ ແລະ ດໍາເນີນການກວດກາ ການເຄື່ອນໄຫວວຽກງານ ວິຊາສະເພາະຄັງເງິນແຫ່ງຊາດ ຕາມສາຍຕັ້ງ ເປັນປົກກະຕິ, ແບບບັງເອີນ ຕາມຂໍ້ມູນແຫຼ່ງຂ່າວ.
ປະສານສົມທົບ ກັບພາກສ່ວນທີ່ກ່ຽວຂ້ອງ ທີ່ພົວພັນກັບບັນດາເປົ້າໝາຍ ທີ່ຖືກກວດກາ ເພື່ອຢັ້ງຢືນ ແລະ ສະໜອງຂໍ້ມູນ ທີ່ຈຳເປັນ ສຳລັບການກວດກາ.
ປະຕິບັດໜ້າທີອື່ນໆຕາມການມອບໝາຍ ຈາກຫົວໜ້າ ຫຼື ຄະນະ ຄັງເງິນແຫ່ງຊາດ, ຫົວໜ້າ ຫຼື ຄະນະພະແນກ ກວດກາ-ນິຕິກ.
ກວດກາຄວາມຮັບຜິດຊອບ ແລະ ແບບແຜນວິທີເຮັດວຽກ ຕໍ່ກັບການຈັດຕັ້ງປະຕິບັດໜ້າທີ່ວຽກງານຂອງພະນັກງານຄັງເງິນຕາມພາລະບົດບາດ.
ເຂົ້າຮ່ວມກວດກາສະເພາະກິດໃດໜື່ງຕາມການມອບໝາຍຂອງຫົວໜ້າຄັງເງິນແຫ່ງຊາດ.
ປະຕິບັດໜ້າທີອື່ນໆຕາມການມອບໝາຍ ຈາກຫົວໜ້າ ຫຼື ຄະນະ ຄັງເງິນແຫ່ງຊາດ, ຫົວໜ້າ ຫຼື ຄະນະພະແນກ ກວດກາ-ນິຕິກຳ.

ຂ. ໜ່ວຍງານ ນິຕິກຳ

ທ່ານ ອິດສະຫຼະພອນ ສີຊົມພູ ຫົວໜ້າໜ່ວຍງານ ຮັບຜິດຊອບ:

ຄົ້ນຄວ້າ, ແລະ ສະເໜີປັບປຸງບັນດານິຕິກຳໃຫ້ສອດຄ່ອງກັບ ການຈັດຕັ້ງປະຕິບັດ ວຽກງານວິຊາສະເພາະຄັງເງິນແຫ່ງຊາດ ບົນພື້ນຖານ ການປະສານສົມທົບ ກັບຂະແໜງການ ທີ່ກ່ຽວຂ້ອງ.
ເປັນເຈົ້າການ ໃນການກະກຽມແຜນງານ, ແຜນວຽກ ແລະ ແຜນບຸກຄະລາກອນ ເພື່ອຈັດຝຶກອົບຮົມ ວຽກງານວິຊາສະເພາະຂອງຄັງເງິນແຫ່ງຊາດ, ພ້ອມທັງສະຫຼູບຕີລາຄາແລະ ປະເມີນຜົນ ໃນການຝຶກອົບຮົມ.
ເຂົ້າຮ່ວມໃນການຄົ້ນຄ້ວາ ກັບພາກສ່ວນຕ່າງໆ ກ່ຽວກັບວຽກງານນິຕິກຳ ທີ່ກ່ຽວຂ້ອງກັບວຽກງານຄັງເງິນ.
ປະຕິບັດໜ້າທີ່ອື່ນໆຕາມການມອບໝາຍ ຈາກຫົວໜ້າ ຫຼື ຄະນະຄັງເງິນແຫ່ງຊາດ,ຫົວໜ້າ ຫຼື ຄະນະພະແນກ.
ກວດກາຄວາມຮັບຜິດຊອບ ແລະ ແບບແຜນວິທີເຮັດວຽກ ຕໍ່ກັບການຈັດຕັ້ງປະຕິບັດໜ້າທີ່ວຽກງານຂອງພະນັກງານຄັງເງິນຕາມພາລະບົດບາດ.
ເຜີຍແຜ່, ແນະນຳ, ຕິດຕາມ ແລະ ຊຸກຍູ້ການຈັດຕັ້ງປະຕິບັດ ນິຕິກຳຕ່າງໆ ທີ່ພົວພັນເຖິງວຽກງານວິຊາສະເພາະ ທີ່ໄດ້ປະກາດນຳໄຊ້ແລ້ວ ຂອງຄັງເງິນແຫ່ງຊາດ ຢູ່ບັນດາແຂວງ
ປະຕິບັດໜ້າທີ່ອື່ນໆຕາມການມອບໝາຍ ຈາກຫົວໜ້າ ຫຼື ຄະນະຄັງເງິນແຫ່ງຊາດ,ຫົວໜ້າ ຫຼື ຄະນະພະແນກ.