ໃນວັນທີ 21 ກໍລະກົດ 2016 ເວລາ 14:00 ໂມງ ທີ່ ຫ້ອງປະຊຸມຊັ້ນ4 ຕືກ1 ກະຊວງການເງິນ ໄດ້ເປີດກອງປະຊຸມເຜີຍແຜ່ ຂໍ້ຕົກລົງຂອງ ທ່ານ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ກ່ຽວກັບຄຳແນະນຳການຈັດຕັ້ງປະຕິບັດດຳລັດຂອງຄັງເງິນແຫ່ງຊາດ ເລກທີ 2270/ກງ 12 ກໍລະກົດ 2016 
ໃຫ້ກຽດເປັນປະທານກອງປະຊຸມໂດຍ ທ່ານ ສົມບູນ ອິນທະປັດຖາ ຫົວໜ້າຫ້ອງການ ກະຊວງການເງິນ ແລະ ນຳສະເໜີໂດຍ ທ່ານ ນາງວັນພອນ ພົມມະສອນ ເພື່ອເຜີຍແຜ່ຄຳແນະນຳ ມີທັງພາກດສ່ວນຫົວໜ່ວຍງົບປະມານທີ່ກ່ຽວຂ້ອງ ແລະ ວິຊາການຄັງເງິນແຫ່ງຊາດເຂົ້່າຮ່ວມຢ່າງພ້ອມໜ້າ ຈຸດປະສົງຂອງກອງປະຊຸມຄັ້ງນີ້ ເພື່ອເປັນການຜັນຂະຫຍາຍບາງເນື້ອໃນ ມາດຕາ 15 ຂໍ້ທີ 4 ດຳລັດຂອງນາຍົກລັດຖະມົນຕີ ສະບັບເລກທີ 259/ນສ, ລົງວັນທີ 01 ມີຖຸນາ 2010 ວ່າດ້ວຍຄັງເງິນແຫ່ງຊາດ, ເປັນບ່ອນອີງໃນການຈັດຕັ້ງປະຕິບັດການຄຸ້ມຄອງ ແລະ ບໍລິຫານເງິນຝາກໃນລະບົບຄັງເງິນແຫ່ງຊາດ, ແນ່ໃສເຮັດໃຫ້ສາມາດຄຸ້ມຄອງທຸກແຫຼ່ງເງິນ ຂອງລັດລວມສູນເຂົ້າ ບັນຊີງົບປະມານໂດຍຜ່ານລະບົບຄັງເງິນແຫ່ງຊາດ.