ອີງຕາມຂໍ້ຕົກລົງ ຂອງທ່ານ ລັດຖະມົນຕີກະຊວງການເງິນ ວ່າດ້ວຍການອະນຸມັດໃຫ້ພະນັກງານ ຄັງເງິນແຫ່ງຊາດ, ຄັງເງິນແຫ່ງຊາດປະຈຳແຂວງ, ນະຄອນຫລວງ ແລະ ເມືອງ/ນະຄອນ ເຂົ້າຮ່ວມຝຶກອົບຮົມໄລຍະສັ້ນ ໃນຂອບເຂດທົ່ວປະເທດ ປະຈຳປີ 2019, ສະບັບເລກທີ 3070/ກງ, ລົງວັນທີ 30 ກັນຍາ 2019. ຄັງເງິນແຫ່ງຊາດ ໄດ້ສໍາເລັດການຈັດຝຶກອົບຮົມໄລຍະສັ້ນ ໃຫ້ແກ່ພະນັກງານຄັງເງິນແຫ່ງຊາດຂັ້ນຫົວຫນ້າພະແນກ, ຫົວຫນ້າຄັງເງິນແຫ່ງຊາດປະຈຳແຂວງ ແລະ ນະຄອນຫລວງ ຊຸດທີ1 ຄັ້ງວັນທີ 12-29 ພະຈິກ 2019 ທີ່ສູນຝຶກອົບຮົມ ສະຖາບັນເສດຖະກິດການເງິນ ດົງຄຳຊ້າງ
