ພິທີປິດກອງປະຊຸມຝຶກອົບຮົມວຽກງານວິຊາສະເພາະຂອງຄັງເງິນແຫ່ງຊາດ ປີ 2020 ໄດ້ຈັດຂື້ນທີ ວິທະຍາໄລການເງິນ ພາກເໜືອ, ແຂວງຫຼວງພະບາງ ໂດຍການເປັນປະທານ ຂອງທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ, ແລະ ມີບັນດາແຂກທີ່ຖືກເຊີນເຂົ້າຮ່ວມ ປະກອບດ້ວຍ ທ່ານຮອງຫົວໜ້າພະແນກການເງິນ ແຂວງຫຼວງພະບາງ, ທ່ານຮອງຜູ້ອໍານວຍການວິທະຍາໄລການເງິນພາກເໜືອ, ແຂວງຫຼວງພະບາງ ແລະ ທ່ານຫົວໜ້າຄັງເງິນແຫ່ງຊາດປະຈໍາແຂວງຫຼວງພະບາງ ຊຶ່ງກອງປະຊຸມຊຸດຝຶກອົບຮົມດັ່ງກ່າວໄດ້ດໍາເນີນໃນໄລຍະຫວ່າງ ວັນທີ14-23 ກັນຍາ ປີ 2020 (ເປັນເວລາ 10 ວັນ ຊຶ່ງມີນັກສໍານາກ່ອນ ປະກອບດ້ວຍຮອງຫົວໜ້າຄັງເງິນແຫ່ງຊາດປະຈໍາແຂວງ, ຫົວໜ້າຄັງເງິນປະຈໍາເມືອງ, ຫົວໜ້າ, ຮອງຂະແໜງ ແລະ ພະນັກງານວິຊາການຄັງເງິນ ຈາກບັນດາແຂວງພາກກາງ ແລະ ພາກເໜືອ ປະກອບດ້ວຍ: ຄັງເງິນແຫ່ງຊາດປະຈໍາ ແຂວງ ວຽງຈັນ,ຜົ້ງສາລີ, ຫຼວງນໍ້າທາ, ອຸດົມໄຊ, ບໍ່ແກ້ວ, ຫຼວງພະບາງ, ຫົວພັນ, ໄຊຍະບູລີ ແລະ ຊຽງຂວາງ ຈໍານວນ 36 ທ່ານ ແລະ ພະນັກງານຄູອາຈານຈາກວິທະຍາໄລການເງິນພາກເໜືອ ຈຳນວນ 3 ທ່ານເຂົ້າຮ່ວມ ລວມນັກສໍາມະນາກອນທັງໝົດແມ່ນ39 ທ່ານ.
ລາຍລະອຽດ ແລະ ຫົວຂໍ້ໃນການຝຶກອົບຮົມ ມີດັ່ງລຸ່ມນີ້:
ມື້ທີ 1 ໄດ້ຝຶກອົບຮົມກ່ຽວກັບວຽກງານກວດກາເອກະສານ ແລະ ການເດີນເອກະສານລາຍຈ່າຍງົບປະມານຜ່ານລະບົບຄັງເງິນແຫ່ງຊາດ
ມື້ທີ 2 ແລະ ມື້ທີ 3 ເຕັກນິກການບັນທຶກບັນຊີຄັງເງິນແຫ່ງຊາດ ຂອງຄັງເງິນແຫ່ງຊາດປະຈໍາແຂວງ, ນະຄອນຫຼວງ ແລະ ຄັງເງິນປະຈໍາເມືອງໄດ້ຝຶກອົບຮົມວຽກງານການສ້າງແຜນງົບປະມານສາຍຕັ້ງຄັງເງິນ.ເຜີຍແຜ່ນິຕິກໍາວ່າດ້ວຍ 10 ຂໍ້ຫ້າມ ແລະ ວິໃນ ຂອງພະນັກງານ-ລັດຖະກອນຂະແໜງການເງິນ
ມື້ທີ 4 ແລະ ມື້ທີ 5 ວຽກງານຂໍ້ມູນຂ່າວສານແລະຫັນວຽກງານຄັງເງິນ ເປັນທັນສະໄໝ ໄດ້ມີການຝຶກອົບຮົມເຕັກນິກການນຳໃຊ້ລະບົບຕິດຕາມ-ຄຸ້ມຄອງການລາຍງານລາຍຮັບ-ລາຍຈ່າຍງົບປະມານແຫ່ງລັດທັນຕາມເວລາ (RTIS), ເຕັກນິກການນຳໃຊ້ລະບົົບຂໍ້ມູນຂ່າວສານການເງິນ (GFIS) ແລະ ການແກ້ໄຂບັນຫາຕ່າງໆ ໃນກໍລະນີມີຂໍ້ຜິດພາດທີ່ເກີດຂຶ້ນໃນລະບົບ.
ມື້ທີ 6 ວຽກງານບັນຊີສັງລວມ ແນະນໍາການສ້າງ, ສັງລວມໃບດຸ່ນດ່ຽງ ແລະ ການເອົາຕົວເລກເຂົ້າບົດລາຍງານ
ມື້ທີ 8 ສຶບຕໍ່ວຽກງານການບັນຊີການສະສາງບັນຊີທ້າຍປີ: ໄດ້ມີການນໍາພາເຮັດບົດຝຶກຫັດການບັນທຶກບັນຊີຄັງເງິນແຂວງ ແລະ ເມືອງ.
ມື້ທີ 9ວຽກງານການຕິດຕາມລາຍຮັບ-ລາຍຈ່າຍງົບປະມານຄັງເງິນຜ່ານຂະແໜງບໍລິການ.
ນອກນັ້ນ,ຄະນະຝຶກອົບຮົມຊຸດນີ້ ໄດ້ໄປທັດສະນະສຶກສານອກສະຖານທີ ເຊັ່ນ: ໄປຢ້ຽມຢາມຫໍພິພິທະພັນແຫ່ງຊາດຫຼວງພະບາງ ແລະ ອຸທິຍານ ນໍ້າຕົກຕາດກວາງຊີເພື່ອສ້າງຄວາມສາມັກຄື ລະຫວ່າງນັກວິທະຍາກອນ ແລະ ນັກສໍາມະນາກອນດ້ວຍກັນ.
ໃນກອງປະຊຸມຊຸດຝຶກອົບຮົມດັ່ງກ່າວ ບັນດາວິທະຍາກອນ ແລະ ນັກສໍາມະນາກອນ ໄດ້ມີການລະດົມຄວາມຄິດ, ແລກປ່ຽນ ແລະ ປະກອບຄໍາຄິດຄໍາເຫັນ ຖາມ-ຕອບ ການຈັດຕັ້ງປະຕິບັດວຽກງານວິຊາສະເພາະຄັງເງິນແບບຮອບດ້ານ.ໃນບົດປະເມີນແຕ່ລະດ້ານ ພາຍຫຼັງການຝຶກອົບຮົມສໍາເລັດ ສາມາດສັງລວມໄດ້ດັ່ງນີ້:
- ສະຖານທີຝຶກອົບຮົມ ແລະ ກິດຈະກໍາ ປະກອບມີຫ້ອງຝຶກອົບຮົມ, ອາຫານວ່າງ, ກິດຈະກໍາທັດສະນະສຶກສາ ແລະ ງານລ້ຽງ ໃນນັກສໍາມະນາກອນ39 ທ່ານ; ຜົນປະເມີນລະດັບ ດີຫຼາຍ 21.5%;ດີ 64.1%; ແລະ ກາງ 14.3%;
- ບັນຍາກາດ ແລະ ໄລຍະເວລາ ໃນການຝຶກອົບຮົມ ໃນນັກສໍາມະນາກອນ 39 ທ່ານ; ຜົນປະເມີນລະດັບ ດີຫຼາຍ 26%;ດີ 67%; ແລະ ກາງ 6%;
- ຫົວຂໍ້ ແລະ ເນື້ອໃນການຝຶກອົບຮົມ ທັງໝົດ 7 ຫົວຂໍ້ທີ່ຕິດພັນການການຈັດຕັ້ງປະຕິບັດວຽກງານວິຊາສະເພາະຄັງເງິນໃນການຝຶກອົບຮົມຄັ້ງນີ້; ໃນນັກສໍາມະນາກອນ 39 ທ່ານ; ຜົນປະເມີນລະດັບ ດີຫຼາຍ 29.7%;ດີ 65%; ແລະ ກາງ 8%;
- ຄວາມສາມາດ ໃນການສົ່ງຄວາມຮູ້ຂອງວິທະຍາກອນ (ຄູຝຶກ) ທັງໝົດ 7 ຫົວຂໍ້ທີ່ຕິດພັນການການຈັດຕັ້ງປະຕິບັດວຽກງານວິຊາສະເພາະຄັງເງິນໃນການຝຶກອົບຮົມຄັ້ງນີ້; ໃນນັກສໍາມະນາກອນ 39 ທ່ານ; ຜົນປະເມີນລະດັບ ດີຫຼາຍ 27.5%;ດີ 69%; ແລະ ກາງ 5.7%;
ໃນກອງປະຊຸມປິດຊຸດຝຶກອົບຮົມດັ່ງກ່າວ ຕ່າງໜ້າກອງເລຂາ ໄດ້ຂື້ນຜ່ານບົດສະຫຼຸບຜົນສໍາເລັດ ການຈັດຕັ້ງປະຕິບັດວຽກງານຝຶກອົບຮົມໃນຄັ້ງນີ້ ຫຼັງຈາກນັ້ນ ໄດ້ມີພິທີການມອບ-ຮັບ ໃບຢັ້ງຢືນ ຊຸດຝຶກອົບຮົມໃຫ້ແກ່ບັນດາ ນັກສໍາມະນາກອນ.
ນອກນັ້ນ, ທ່ານປະທານກອງປະຊຸມ ຍັງໄດ້ເໜັ້ນຍໍ້າໃຫ້ນັກສໍາມະນາກອນ ທີ່ເຂົ້າຮ່ວມການຝຶກອົບຮົມໃນຄັ້ງນີ້ ຈະເປັນໝາກຜົນທີ່ດີ ເພື່ອຈະກັບໄປຫ້ອງການຂອງຕົນ, ນໍາບົດຮຽນທີ່ໄດ້ຮໍ່າຮຽນມາ ເຂົ້າໃນການຈັດຕັ້ງປະຕິບັດວຽກງານຕົວຈິງ ຊ່ວຍກັນພັດທະນາ, ປັບປຸງວຽກງານວິຊາສະເພາະຄັງເງິນຢູ່ໃນແຕ່ລະຂັ້ນ ໃຫ້ມີຄວາມເປັນເອກະພາບກັນທັງໝົດ ໃນຂອບເຂດທົ່ວປະເທດ.
