ກອງປະຊຸມສະຫຼຸບການຈັດຕັ້ງປະຕິບັດວຽກງານຂະແໜງຄັງເງິນ ທົ່ວປະເທດ ປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022, ໄດ້ຈັດຂຶ້ນໃນວັນທີ 14–15 ກໍລະກົດ 2022 ທີ່ຫ້ອງວ່າການປົກຄອງແຂວງຊຽງຂວາງ, ໂດຍເປັນປະທານຂອງທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ ກະຊວງການເງິນ, ມີຮອງຫົວໜ້າຄັງເງິນແຫ່ງຊາດ, ຕາງໜ້າຈາກພະແນກການ ແລະ ຂະແໜງການອ້ອມຂ້າງແຂວງຊຽງຂວາງ, ທະນາຄານທີ່ໃຫ້ບໍລິການ, ຫົວໜ້າ, ຮອງຫົວໜ້າ, ພະແນກອ້ອມຂ້າງຄັງເງິນແຫ່ງຊາດ, ຫົວໜ້າ, ຮອງຫົວໜ້າຄັງເງິນປະຈໍາແຂວງ, ນະຄອນຫຼວງ,
ບັນດາທ່ານທີ່ເຂົ້າຮ່ວມຜ່ານທາງລະບົບວີດີໂອທາງໄກ.ກອງປະຊຸມສະຫຼຸບການຈັດຕັ້ງປະຕິບັດວຽກງານຂະແໜງຄັງເງິນ ທົ່ວປະເທດ ປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022, ໄດ້ຈັດຂຶ້ນໃນວັນທີ 14–15 ກໍລະກົດ 2022 ທີ່ຫ້ອງວ່າການປົກຄອງແຂວງຊຽງຂວາງ,
ໂດຍເປັນປະທານຂອງທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ ກະຊວງການເງິນ, ມີຮອງຫົວໜ້າຄັງເງິນແຫ່ງຊາດ, ຕາງໜ້າຈາກພະແນກການ ແລະ ຂະແໜງການອ້ອມຂ້າງແຂວງຊຽງຂວາງ, ທະນາຄານທີ່ໃຫ້ບໍລິການ, ຫົວໜ້າ, ຮອງຫົວໜ້າ, ພະແນກອ້ອມຂ້າງຄັງເງິນແຫ່ງຊາດ, ຫົວໜ້າ, ຮອງຫົວໜ້າຄັງເງິນປະຈໍາແຂວງ, ນະຄອນຫຼວງ, ບັນດາທ່ານທີ່ເຂົ້າຮ່ວມຜ່ານທາງລະບົບວີດີໂອທາງໄກ.
ນກອງປະຊຸມ,ທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ ໄດ້ມີຄຳເຫັນວ່າ: ໂດຍປະຕິບັດຕາມແຜນດໍາເນີນງານຂອງຄັງເງິນແຫ່ງຊາດ ປະຈໍາປີ 2022, ຈຶ່ງໄດ້ພ້ອມກັນສະຫຼຸບຕີລາຄາການຈັດຕັ້ງປະຕິບັດວຽກງານຂະແໜງຄັງເງິນ ປະຈໍາ 06 ເດືອນຕົ້ນປີ ແລະ ທິດທາງແຜນການ ປະຈໍາ 06 ເດືອນທ້າຍປີ 2022, ພ້ອມທັງໄດ້ຮັບຟັງການສະເໜີ ແລະ ສະຫຼຸບລາຍງານຫຼາຍຫົວຂໍ້ທີ່ສໍາຄັນເປັນຕົ້ນ: ສະພາບການຈັດຕັ້ງປະຕິບັດວຽກງານຂະແໜງຄັງເງິນໃນ 6 ເດືອນຕົ້ນປີຜ່ານມາ, ກຳນົດທິດທາງແຜນການ 6 ເດືອນທ້າຍປີ 2022, ສະຫຼຸບການຈັດຕັ້ງປະຕິບັດວຽກງານກວດກາ-ກວດສອບຂະແໜງຄັງເງິນ ແລະ ເຜີຍແຜ່ຄໍາແນະນໍາວ່າດ້ວຍການຄຸ້ມຄອງ ແລະ ນໍາໃຊ້ບັດກວດກາຄັງເງິນ, ເຜີຍແຜ່ຂໍ້ຕົກລົງວ່າດ້ວຍການຮັບຮອງໃນດ້ານຫຼັກການກ່ຽວກັບກຸ່ມວຽກ ແລະ ຈໍານວນຕໍາແໜ່ງງານຂອງຄັງເງິນແຫ່ງຊາດ, ຄໍາແນະນໍາວ່າດ້ວຍມາດຕະຖານສະເພາະບາງຕໍາແໜ່ງງານຂອງພະນັກງານ-ລັດຖະກອນຄັງເງິນ.
ກອງປະຊຸມຄັ້ງນີ້, ພ້ອມທັງຮັບຟັງການສະເໜີບັນດາແຜນງານການປະຕິຮູບການຄຸ້ມຄອງລາຍຮັບ-ລາຍຈ່າຍງົບປະມານແຫ່ງລັດໃຫ້ເປັນທັນສະໄໝ (ດິຈິຕອນ) ຜ່ານລະບົບຄັງເງິນໃນຕໍ່ໜ້າ, ຮັບຟັງການສະຫຼຸບຕີລາຄາການຈັດຕັ້ງປະຕິບັດດໍາລັດວ່າດ້ວຍຄັງເງິນແຫ່ງຊາດ ສະບັບ ເລກທີ 259/ນຍ ແລະ ການກະກຽມສ້າງມາເປັນກົດ ໝາຍວ່າດ້ວຍຄັງເງິນແຫ່ງລັດ ແລະ ຜ່ານບົດສະຫຼຸບການຈັດຕັ້ງປະຕິບັດວຽກງານຂະແໜງຄັງເງິນປະຈໍາ 06 ເດືອນຕົ້ນປີ ແລະ ທິດທາງແຜນການປະຈໍາ 06 ເດືອນທ້າຍປີ 2022 ຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ
ແລະ ບົດຮຽນທີ່ຖອດຖອນໄດ້ເປັນຕົ້ນ: ການຈັດຕັ້ງປະຕິບັດຄຳສັ່ງສະບັບເລກທີ 55/ນຍ, ການປະຕິບັດມາດຕະການຄຸ້ມຄອງ ແລະ ຕ້ານການຮົ່ວໄຫຼຂອງລາຍຮັບງົບປະມານ, ການສ້າງ ແລະ ປັບປຸງນິຕິກໍາ, ການແກ້ໄຂຜົນການກວດກາ ແລະ ກວດສອບ, ວຽກງານຫັນຂະແໜງຄັງເງິນ
ເປັນທັນສະໄໝ (ດີຈີຕອນ), ວຽກງານຄຸ້ມຄອງລາຍຈ່າຍງົບປະມານ ແລະ ບໍລິການ, ກໍ່ຄືການສຸມໃສ່ຈັດຕັ້ງປະຕິບັດແຜນງົບປະມານແຫ່ງລັດປະຈໍາ 6 ເດືອນຕົ້ນປີ 2022 ຊຶ່ງໃນປີ 2022 ເປັນປີທີ 2 ຂອງການຈັດຕັ້ງປະຕິບັດແຜນພັດທະນາເສດຖະກິດ–ສັງຄົມແຫ່ງຊາດ 5 ປີ ຄັ້ງທີ IX ແລະ ແຜນງົບປະມານແຫ່ງລັດ 5 ປີ (2021-2025) ນໍາອີກດ້ວຍ.
