ວັນທີ 21 ກໍລະກົດ 2022 , ຄະນະພັກຮາກຖານຄັງເງິນແຫ່ງຊາດ, ໄດ້ຈັດພິທີ ຮັບເອົາມະຫາຊົນກ້າວໜ້າເຂົ້າພັກສຳຮອງ, ໂດຍການເປັນປະທານຂອງສະຫາຍ ນາງ ວັນພອນ ພົມມະສອນ ຄະນະປະຈຳພັກກະຊວງ, ເລຂາຄະນະພັກຮາກຖານຄັງເງິນແຫ່ງຊາດ, ຫົວໜ້າຄັງເງິນແຫ່ງຊາດ, ມີຄະນະພັກຮາກຖານຄັງເງິນແຫ່ງຊາດ, ບັນດາສະຫາຍເລຂາໜ່ວຍພັກ, ພ້ອມດ້ວຍສະມາຊິກພັກສົມບູນ, ສຳຮອງ ແລະ ຕາງໜ້າສາມອົງການຈັດຕັ້ງມະຫາຊົນທີີ່ກັບຄະນະຮາກຖານຄັງເງິນແຫ່ງຊາດເຂົ້າຮ່ວມ.
ໃນພິທີ ສະຫາຍ ມີໄຊ ພຸດທະວົງ ຮອງປະທານກວດກາພັກ, ເລຂາພັກກວດກາພາຍໃນ ແລະ ບັນຊີສັງລວມ ໄດ້ຜ່ານມະຕິຕົກລົງ ວ່າດ້ວຍການອານຸມັດຮັບເອົາມະຫາຊົນກ້າວໜ້າ ເຂົ້າເປັນສະມະຊີກພັກສຳຮອງ ຈຳນວນ 02 ສະຫາຍຄື: ສະຫາຍ ບຸນລອດ ພູມມີໄຊ ແລະ ສະຫາຍ ນາງ ວາດສະໜາ ຄໍາພານິດ
ໂອກາດດັ່ງກ່າວ, ສະຫາຍ ນາງ ວັນພອນ ພົມມະສອນ ໄດ້ມີຄໍາຄິດເຫັນໂອ້ລົມຕໍ່ສະມາຊິກສຳຮອງ ແລະ ສະແດງຄວາມຊົມເຊີຍທີ່ໄດ້ຮັບເອົາມະຫາຊົນກ້າວໜ້າທັງສອງ, ຊຶ່ງເປັນຜົນແຫ່ງຂະບວນການຝຶກຝົນຫຼໍ່ຫຼອມຕົນເອງຢ່າງຕໍ່ເນື່ອງຂອງພວກສະຫາຍ, ໃນຄັ້ງນີ້ໂດຍສະເພາະການຖືສຳຄັນວຽກງານການເຊື່ອມຊຶມການເມືອງແນວຄິດ, ສິນທຳປະຕິວັດ, ຄວາມອຸ່ນອຽງ ທຸ່ນທ່ຽງ ແລະ ທັດສະນະຊົນຊັ້ນກຳມະກອນອັນຖືກຕ້ອງຕາມທິດສັງຄົມນິຍົມ ໄປພ້ອມກັບການກໍ່ສ້າງເສີມຂະຫຍາຍຄວາມຮູ້ຄວາມສາມາດ.
ພ້ອມນັ້ນ, ໃຫ້ບັນດາສະຫາຍພ້ອມກັນເປັນເຈົ້າການ, ເຊື່ອມຊຶມ, ບັນດາແນວທາງນະໂຍບາຍຂອງພັກ, ມະຕິ, ຄຳສັ່ງ ແລະ ບັນດາລະບຽບການຕ່າງໆທີ່ພັກວາງອອກໃຫ້ເລິກເຊິ່ງ, ເຖິງວ່າຈະກາຍເປັນສະມາຊິກສໍາຮອງແລ້ວແຕ່ກໍຂໍໃຫ້ສືບຕໍ່ຕັ້ງໜ້າຝຶກຝົນຫຼໍ່ຫຼອມຕົນເອງຢ່າງຕໍ່ເນື່ອງ, ທັງດ້ານການເມືອງແນວຄິດ, ຄຸນສົມບັດສິນທຳປະຕິວັດ, ມີສະຕິຕໍ່ການຈັດຕັ້ງ ແລະ ຄວາມຮູ້ຄວາມສາມາດທາງດ້ານວິຊາສະເພາະເພື່ອເຮັດແນວໃດໃຫ້ກາຍເປັນສະມາຊິກພັກສົມບູນທີ່ດີເດັ່ນ ແລະ ເປັນກຳລັງແຮງໃຫ້ແກ່ໜ່ວຍພັກໃນຕໍ່ໜ້າ, ຈັດຕັ້ງຜັນຂະຫຍາຍບັນດານະໂຍບາຍຂອງພັກວາງອອກແຕ່ລະໄລຍະໃຫ້ເປັນຮູບປະທໍາປະກອບສ່ວນຢ່າງຕັ້ງໜ້າເຂົ້າໃນພາລະກິດສ້າງສາ ແລະ ພັດທະນາປະເທດຊາດໃນໄລຍະໃໝ່ກໍຄືປະກອບສ່ວນເຂົ້າໃນ ການຈັດຕັ້ງປະຕິບັດໜ້າທີ່ການເມືອງຂອງຄະນະພັກຮາກຖານຄັງເງິນແຫ່ງຊາດໃຫ້ບັນລຸໄດ້ຕາມລະດັບຄາດໝາຍທີ່ວາງໄວ້ ແລະ ໃຫ້ເປັນແບບຢ່າງນຳໜ້າໃຫ້ແກ່ມະຫາຊົນ, ພ້ອມທັງປະກອບສ່ວນເຂົ້າໃນການສ້າງ ແລະ ພັດທະນາມະຫາຊົນເພື່ອເຮັດໃຫ້ໜ່ວຍພັກຄະນະພັກຮາກຖານຄັງເງິນແຫ່ງຊາດເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
